थपिए ८७ कोभिड-१९ संक्रमित

काठमाडौँ  : पछिल्लो २४ घण्टामा देशभर थप ८७ जनामा कोभिड-१९ संक्रमण पुष्टि भएको छ । योसँगै नेपालमा कोभिड संक्रमितको संख्या २ लाख ७४ हजार ३ सय ८१ पुगेको स्वास्थ्य तथा जनसंख्या मन्त्रालयले जनाएको छ । 

बुधबार थप ६२ जना कोभिड संक्रमणमुक्त भएका छन् । हालसम्म नेपालमा २ लाख ७० हजार ६ सय ५ जनाले कोभिड जितेका छन् । गत २४ घण्टामा कोभिडबाट १ जनाको मृत्यु भएको छ । नेपालमा हालसम्म ३ हजार १० जनाले कोभिडका कारण ज्यान गुमाएका छन् । नेपालमा हाल ७ सय ६६ जना आइसोलेसनमा र ५९ जना क्वारेन्टाइनमा छन् । अहिलेसम्म २१ लाख ७३ हजार ५ सय ११ जनामा पीसीआर परीक्षण गरिएको छ ।
 

---