थपिए ५९ कोभिड-१९ संक्रमित

काठमाडौँ : पछिल्लो २४ घण्टामा मुलुकभर थप ५९ जनामा कोभिड-१९ संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार योसँगै नेपालमा कोभिड संक्रमितको संख्या दुई लाख ७४ हजार ८६९ पुगेको छ । 

पछिल्लो २४ घण्टामा कोभिड-१९ संक्रमणबाट थप एक जनाको मृत्यु भएको मन्त्रालयले जनाएको छ । हालसम्म नेपालमा तीन हजार १२ जनाले कोभिडका कारण ज्यान गुमाएका छन् । 

---

आज ६० संक्रमित कोभिडमुक्त भएका छन् भने हालसम्म दुई लाख ७० हजार ९८७ जना कोरोनामुक्त भएको मन्त्रालयले जनाएको छ । अहिले ८७० जना आइसोलेसनमा छन् भने ५६ जना क्‍वारेन्टाइनमा छन् । त्यस्तै हालसम्म २१ लाख ९९ हजार ९५० वटा पीसीआर गरिएको मन्त्रालयले जनाएको छ ।