थपिए ९७ कोभिड-१९ संक्रमित

काठमाडौँ : पछिल्लो २४ घण्टामा मुलुकभर ९७ जनामा कोभिड-१९ संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार योसँगै नेपालमा कोभिड संक्रमितको संख्या २ लाख ७५ हजार ७० पुगेको छ । 

बिहीबार ६६ जना कोभिडमुक्त भएका छन् । अहिलेसम्म योसँगै दुई लाख २१ हजार ११६ जना संक्रमित निको भएका मन्त्रालयले जनाएको छ । 

---

गत २४ घण्टामा कोभिडका कारण कसैको पनि मृत्यु नभएको मन्त्रालयले जनाएको छ । हालसम्म नेपालमा तीन हजार १२ जनाले नेपालमा कोभिडका कारण ज्यान गुमाएका छन् ।

हाल ९४२ जना आइसोलेसन र ५९ जना क्‍वारेन्टाइनमा छन् । नेपालमा हालसम्म २२ लाख ७ हजार ९२२ वटा पीसीआर गरिएको मन्त्रालयले जनाएको छ ।