मृत्युपश्चात अंगदान गर्न स्वास्थ्यमन्त्री खतिवडाको आग्रह

काठमाडौँ - स्वास्थ्य तथा जनसंख्या मन्त्री विरोध खतिवडाले मृत्युपश्चातको अंगदान गर्न आग्रह गरेका छन् । बिहीवार विश्व मृर्गौला दिवसको अवसरमा विभिन्न संघसंस्थाले संयुक्तरूपमा आयोजना गरेको प्रभातफेरीलगायतका कार्यक्रममा भाग लिद्रै मन्त्री खतिवडाले मृत्युपश्चात अंगदान गर्न सबैलाई आग्रह गरेका हुन् । 

मृत्युपश्चातको अंग दान गरेमा मृगौला पीडितहरूले पनि धेरै सुविधा पाउने उनले बताए । मन्त्री खतिवडाले पहिले मिर्गौला दान गर्न पाउने समूह साँघुरो भएको उल्लेख गर्दै हाल सरकारले सो समुहलाई ठूलो बनाएको बताए । नाता पर्नेजति सबैले मृगौला दान गर्न सक्ने उनले स्पष्ट पारे । 

---

मन्त्री खतिवडाले मिर्गौला प्रत्यारोपण गरेका व्यक्तिहरू पनि मृगौला नफेरेका व्यक्तिहरू जस्तै स्वस्थ हुनसक्ने भन्दै आत्तिनु नहुने बताए ।