थप १४५ जनामा कोभिड-१९ संक्रमण पुष्‍टी

काठमाडौँ : नेपालमा बुधबार थप १४५ जनामा कोभिड-१९ संक्रमण पुष्‍टी भएको छ । यो संगै संक्रमितको संख्या २ लाख ७६ हजार ३८९ पुगेको छ । त्यस्तै थप १ जनाको कोरोनाका कारण मृत्यु भएको छ स्‍वास्‍थ्‍य मन्‍त्रालयले जनाएको छ ।  मन्‍त्रालयकाअनुसार हालसम्म नेपालमा तीन हजार २० जनाले कोभिडका कारण ज्यान गुमाएका छन् । 

त्यस्तै थप ९० संक्रमित निको हुँदा हालसम्म नेपालमा २ लाख ७२ हजार १८७ जना निको भएका छन् । हाल नेपालमा ११८२ जना आइसोलेसनमा र ५२ जना क्वारेन्टाइनमा छन् । हालसम्म २२ लाख ४८ हजार ९९३ वटा पिसिआर गरिएको स्वास्थ्य मन्त्रालयले जनाएको छ ।

---