काठमाडौं : पछिल्लो २४ घण्टामा काठमाडौ‌ं उपत्यकामा एक हजार ५ सय १२ कोभिड–१९  संक्रमित थपिएका छन् । जसमध्ये काठमाडौंमा एक हजार २ सय ९४, भक्तपुरमा ७७ र ललितपुरमा एक सय ४१ जना नयाँ संक्रमित थपिएको स्वास्थ्य तथा जनसंख्या मन्त्रालयले जानकारी दिएको छ ।

योसँगै काठमाडौं १५ हजार ४ सय ५५, भक्तपुरमा एक हजार २ सय १६  र ललितपुरमा दुई हजार १ सय ९१ जना सक्रिय संक्रमित छन् । त्यस्तै, काठमाडौंमा अहिलेसम्म २ सय ७०, भक्तपुरमा ७० र ललितपुरमा ६६ जना संक्रमितको मृत्यु भएको छ ।

---