थप ८९ जनामा कोभिड संक्रमण

काठमाडौँ : नेपालमा आइतबार थप ८९ जनामा कोभिड-१९ संक्रमण पुष्टि भएको छ । देशका बिभिन्न स्थानमा गरिएको परिक्षणका क्रममा थप ८९ जनामा कोभिड संक्रमण पुष्टि भएको र नेपालमा हालसम्म कोभिड संक्रमितको संख्या दुई लाख ७६ हजार ८३९ पुगेको स्वास्थ्य मन्त्रालयले जनाएको छ । 

त्यस्तै थप ९५ जना संक्रमित कोभिड मुक्त भएका छन् । हालसम्म नेपालमा दुई लाख ७२ हजार ५३० जना कोभिड संक्रमण मुक्त भएको मन्त्रालयले जनाएको छ । नेपालमा हालसम्म तीन हजार २७ जनाले कोभिडका कारण ज्यान गुमाएका छन् । हाल नेपालमा १२ सय ८२ जना आइशालेशन र ५७ जना क्वारेन्टाइनमा छन् भने हालसम्म २२ लाख ६१ हजार १४६ वटा पीसीआर गरिएको मन्त्रालयले जनाएको छ ।  

---