Ekagaj Logo
१६ कात्तिक २०८१, शुक्रबार
(Friday, 01 November, 2024)

हलिउड/बलिउड

'अम्बानीको जस्तो पैसा होस्, मान्छे ऋतिक जस्तो'

इकागज |
कात्तिक ५, २०७७ बुधबार १५:१७ बजे

अविवाहित हिरोइनलाई सोधिने ‘क्लिसे’ प्रश्नमध्ये एक हो–सपनाको राजकुमार कस्तो होस् जस्तो लाग्छ ?

बासी नै भए पनि कुनै कुनै हिरोइन यसको उत्तर दिन रुचाउँछन् । कियरा आडवानी ताजा उदाहरण बनेकी छिन् । ‘लक्ष्मीबम’को प्रचारका लागि नेहा धुपियासँग पडकास्टमा कुरकानी गर्न पुगेकी उनलाई जब नेहाले ‘सपनाको राजकुमार’को बारेमा सोधिन् उनले लामै लिस्ट सुनाइन् । 


उनले हुनेवाला मान्छेमा अम्बानीको जस्तो पैसा, जेनिफर लरेन्सको जस्तो विद्धता, फरहान अख्तर र आयुष्मान खुरानाको जस्तो प्रतिभा, अक्षय कुमारको जस्तो अनुशासन र ऋतिक रोशनको जस्तो रुप रंग होस् भन्ने जवाफ दिइन् ।  

पडकास्टमा आगामी फिल्मदेखि खानपिनसम्मको कुरा गरेकी कियराले  भिन्डी आफूलाई सबैभन्दा मनपर्ने तरकारी रहेको बताइन् । ‘कबिर सिंह’ फिल्मबाट चर्चामा आएकी कियराको ‘लक्ष्मीबम’ पछि ‘इन्दूकी जवानी’ जवानी रिलिज हुँदैछ । तर, यो फिल्म भने ओटिटीमा नभई हलमै रिलिज हुने चर्चा छ । कियरा यसपछि भने ‘भूलभूलैया २’ र ‘शेर शाह’ देखिनेछिन् । 

उनले सपनाको राजकुमारका गुणको बारेमा जेजस्तो भने पनि कियरा हाल सिद्धार्थ मल्होत्रालाई डेट गरिरहेकी छिन् । उनको यत्रो गफ सुनिसकेपछि सोध्न मन लागिहाल्ने रैछ, ‘के सिद्धार्थमा उनले भनेका कुनै पनि गुण छन् त ?’ उत्तर कियरा नै जानुन् ।  


 


Author

थप समाचार
x