सञ्जय दत्तले जिते क्यान्सर

एजेन्सी : क्यान्सरसँग जुधिरहेका अभिनेता सञ्जय दत्तले आफूले क्यान्सर जितेको बताएका छन् । उनले ट्वीटरमा आफ्ना लागि चिन्ता व्यक्त गर्ने आफन्त तथा शुभचिन्तकलाई सम्बोधन गर्दै क्यान्सरसँगको लडाइँ जितेको बताएका छन् । 

‘पछिल्ला केही हप्ता मेरो र परिवारका लागि अप्ठेरा थिए, इश्वरले सबैभन्दा कठिन लडाइँमा सबैभन्दा बलियो सिपाहीलाई साथ दिन्छन्, आज मेरा छोराछोरीको जन्मदिनको दिनमा म खुशी छु कि मैले यो लडाइँ जितेको छु,’ उनले ट्वीटरमा लेखेका छन् । 

---

उनलाई एक महिनाअघि फोक्सोमा स्टेज फोर क्यान्सर भएको समाचार आएको थियो । यो लगत्तै उनले कामबाट केही समयका लागि बिश्राम लिएको बताएका थिए । 
‘सडक २’मा पछिल्लो समय देखिएका सञ्जय दत्त पछिल्लो समय ‘केजिएफ च्याप्टर २’को सुटिङ गरिरहेका थिए । उनले ‘हेराफेरि ३’, ‘कुची कुची होता है’ ,‘पृथ्वीराज’ आदि फिल्म साइन गरेका छन् ।