विश्व कुइँकेलको  कथा सङ्ग्रह 'सुगन्धपुर' सार्वजनिक

काठमाडौँ- लेखक विश्व कुइँकेलको  पहिलो कथा सङ्ग्रह 'सुगन्धपुर' सार्वजनिक छ । शनिबार राजधानीको कुञ्ज नाटक घरमा एक कार्यक्रमकाबीच पुस्तक लोकार्पण गरिएको हो । नेपाली समाजका विविध घटना र परिवेशलाई सजिव किसिमबाट उठान गरिएको कथा सङ्ग्रह 'सुगन्धपुर'माथि वक्ताहरुले  आ आफ्नो किसिमबाट  समीक्षा गरे ।

प्रा.डा खगेन्द्र लुइँटेलले लेखकले  आफ्नो जीवन भोगाइका क्रममा देखे सुनेका पात्र र परिवेशलाई सरल किसिमले पाठक सामु पस्कन सफल रहेको उल्लेख गरे । 'समाजमा ब्याप्त अनेक किसिमका उत्पीडिनलाई शब्दका माध्यमबाट पाठक सामु ल्याउन सक्नु लेखकको सबल पक्ष हो ।

---

विश्व कुइँकेल नेपाली साहित्यमा सुनिने नामहरुमा नयाँ भएपनि  कथाहरु अध्ययन गर्दा उनी पुराना झैं मलाई लाग्यो, लेखन शक्ति अब्बल रहेछ 'लुइँटेलले भने । प्रा. लुइटेलले प्रशासनिक क्षेत्रमा रहेका कर्मचारी बचेखुचेको समयमा ब्यर्थ समय कटाउनु दुखद रहेको बताउदै केही कर्मचारी साहित्यको क्षेत्रमा आउनु सुखद रहेको बताए ।

तेसैगरी कार्यक्रममा समालोचक राजन मुकारुङले साहित्य समाजको  एना भएको बताउँदै लेखक कुइँकेलको साहित्यक सृजनाको मुक्तकन्ठले किसिमले प्रशंसा गरे । कथाकारले नेपाली  परिवेशको विभिन्न कथा समावेश गरेर सङ्ग्रह ल्याउनु सुखद रहेको बताए । ' जुनसुकै साहित्यक सृजना तब अब्बल हुन्छ , जब त्यसभित्र समाजका अनेक पक्षलाई जस्ताको तेस्तै टिपेर अक्षरको माध्यमबाट   बाहिर ल्याउन सकिन्छ । लेखकको सवल पक्ष भनेकै यही होऽ'मुकारुङ्ले बताए  ।

कार्यक्रममा मानवशास्त्री  सचिन घिमिरेले कथाकार कुइँकेलले आफ्नो सृजनाको माध्यमबाट सर्जकले समाज बदल्न सक्ने धारणा राखे । उनले थपे, 'सुगन्धपुर कथा सङ्ग्रह काँठको जनजीवनदेखि नेपालको फरक भूगोलको परिवेश समेटन सफल छ ।

नेपाली समाजमा भए गरेका अनेक किसिमका किस्साहरुलाई रोचक किसिमले बाहिर ल्याउन सक्नु कथाकारको खुबी हो ' घिमिरेले उल्लेख गरे । कार्यक्रममा साहित्यकार विना थिङले पनि 'सुगन्धपुर' कथा सङ्ग्रह नेपाली साहित्यमा पठनयोग्य सामग्री आएको  भन्दै खुसी ब्यक्त गरिन\ । फिनिक्स बुकले प्रकाशन गरेको कथा सङ्ग्रह 'सुगन्धपुर'मा १९ वटा कथा समावेश छन्  । पुस्तकको मूल्य ३ सय ५० रहेको छ ।