काठमाडौँ - कर्णाली प्रदेशको धरातलमा रहेर बौद्धिक बहस गर्ने कर्णाली उत्सवको तेस्रो श्रृंखला आगामी फागुन १७ गतेदेखि सुरु हुने भएको छ । सुर्खेतको वीरेन्द्रनगरस्थित बुलबुले ताल परिसरमा हुने उत्सव फागुन १७, १८ र १९ गते हुने आयोजक ऋति फाउण्डेसनले जनाएको छ ।

कर्णालीको बहुआयामिक विषयमा गन्थन, मन्थन र चिन्तन गर्ने साझा थलोका रुपमा स्थापित कर्णाली उत्सवमा कर्णालीकै खस भाषालाई प्राथमिकता दिइन्छ । साथै कर्णालीको कला, संस्कृति, पर्यटन, भाषा लगायतमा विषयमा विज्ञ र सरोकारवाला राखेर छलफल गरिन्छ ।

---

तेस्रो संस्करणको कर्णाली उत्सवको आयोजनाका लागि तयारी सुरु गरिएको आयोजक ऋति फाउण्डेसनका संस्थापक तथा कर्णाली उत्सव आयोजक समितिका संयोजक कमल लम्सालले जानकारी दिए ।