पोस्तकको कथा संग्रह ‘मुन्‍नी’ बजारमा

काठमाडौँ :  पोस्तक श्रेष्ठको कथा संग्रह 'मुन्‍नी' बजारमा आएको छ । अमेरिकामा रहेर पर्यटन पेशामा आवद्द श्रेष्ठले सामाजिक कथा समेटेर संग्रह ल्याएका हुन् । लिपि बुक्सले बजारमा ल्याएको पुस्तकमा २२ वटा कथा समावेश छन् । संग्रहित पुस्तक समावेश कथाहरु समग्र नेपाली समाजका विविध आयामहरुलाई समेटेको श्रेष्ठले बताए ।

‘अमेरिका तथा नेपाली समाजका विभिन्‍न घटनाहरु कथामा अटाएका छन् । किनकी एउटा लेखक कुनैपनी विषयमा तटस्थ हुन सक्दैन्’ उनले भने, ‘कथामा सामाजिक विषयहरु अटाएका छु। जहाँ प्रेम,युद्ध,राजनिती तथा सामाजिक विषय छन् ।’  

---

पुस्तक प्रकाशन गर्नु अघि कथाहरु आफ्ना भएपनी प्रकाशन पश्‍चात् भने पाठकको रहेको उनले बताए । ‘अब मैले पुस्तकमाथी चर्चा गर्नुभन्दा पाठक आफैँले मुल्यांकन गर्नुहुन्छ’ उनले । लामो समयदेखी श्रेष्ठले पत्रपत्रिकामा कथा तथा कविताका माध्यमले आफ्नो उपस्थिती देखाइसकेका छन् ।

नेपाली साहित्य क्षेत्रमा कथा लेखन सुस्तता रहेको बेला श्रेष्ठका कथा आउनु सुखद पक्ष रहेको प्रकाशक अर्जुन अधिकारीले बताए। ‘यी कथा मात्र होइनन् । हाम्रो समाजका विम्व हुन्’ उनले भने। श्रेष्ठले लेखेका फरकधारका कथाले पाठकलाई कथाप्रती सम्मोहन बढाउन महत्वपूर्ण भूमिका खेल्न सक्ने अधिकारीको भनाइ छ ।