गोदावरी नगरपालिकाले भूकम्प पीडितलाई २५ लाख दिने

गोदावरी नगरपालिकाले भूकम्प पीडितलाई २५ लाख दिने

गोदावरी (ललितपुर)- गोदावरी नगरपालिकाले भूकम्पपीडितलाई  रु २५ लाख दिने निर्णय गरेको छ ।

---

नगरपालिकाका नगर प्रमुख गजेन्द्र महर्जनले जाजरकोट जिल्लाको रामीडाँडा केन्द्रबिन्दु भएर गत शुक्रबार राति ११ः४७ बजे गएको ६.४ म्याग्नेच्युडको भूकम्पमा परेका भूकम्प पीडितको उद्धार, राहत र पुनःस्थापनाका लागि विपद् व्यवस्थापन कोषबाट रु २५ लाख सहयोग गरेको जानकारी दिए ।

भूकम्पपछि जाजरकोट र रुकुम पश्चिम लगायतका प्रभावित क्षेत्रमा ठूलो सङ्ख्यामा मानवीय क्षति, भौतिक क्षति तथा सयौँ सङ्ख्यामा घाइते भएकाहरूप्रति दुःख प्रकट गर्दै उनले भने, 'विपद्को समयमा सबै एक भएर विपद्को सामना गर्नुपर्छ ।'