स्कूल बस र मोटरसाइकल ठोक्किँदा दुई जनाको मृत्यु, दुई घाइते

काठमाडौँ- नुवाकोटमा स्कूल बस र मोटरसाइकल ठोक्किँदा दुई जनाको मृत्यु भएको छ । मंगलबार बेलकोटगढी नगरपालिका- ८ शिरखालीमा स्कूल बस र मोटरसाइकल ठोक्किँदा दुई जनाको मृत्यु भएको छ भने दुई जना घाइते भएका छन् ।

देवीघाटबाट काशीतारतर्फ जाँदै गरेको अर्किड एकेडेमी नुवाकोटको बा ३ ख ३७२२ नम्बरको स्कूल बस र सोही दिशामा जाँदैको बागमती प्रदेश ०२-०४६प १५२९ र बागमती प्रदेश ०२-०४४प ३६९२ नम्बरको मोटरसाइकल ठोक्दिँदा  काठमाडौँ बस्ने २७ वर्षीय रुविन रावल र ललितपुर बस्ने २६ वर्षीय स्वीकार रानाको मृत्यु भएको नुवाकोट प्रहरी सञ्चार शाखाले जनाएको छ ।

---

प्रहरीका अनुसार घाइतेको त्रिवि शिक्षण अस्पतालमा उपचार भइरहेको छ भने सवारी र चालक प्रहरी नियन्त्रणमा रहेका छन् ।