कार दुर्घटना हुँदा एकको मृत्यु

अर्घाखाँची- अर्घाखाँचीको सन्धिखर्क नगरपालिका-११ डिभर्नामा इन्डियन नम्बर प्लेटको  कार दुर्घटना हुदा एक जनाको घटनास्थलमै मृत्यु भएको छ ।

यहाँस्थित ढुङ्गे देउरालीमा आइतबार साँझ एचआर ५५ एयु ८७९३ नं को कार दुर्घटना हुँदा एक जनाको घटनास्थलमै मृत्यु भएको प्रहरीले जनाएको छ । उनको सनाखत हुन सकेको छैन् ।
  
मालारानीबाट सन्धिखर्क आउँदै गरेको कार दुर्घटना भएको र कार पूर्ण रूपमा क्षतिग्रस्त रहेको जिल्ला प्रहरी कार्यालयका प्रमुख प्रहरी नायब उपरीक्षक चक्रबहादुर मल्लले जानकारी दिए । 

---