बागमती प्रदेश सभाको बैठक ३ बजेका लागि सर्‍यो

काठमाडौँ - बागमती प्रदेश सभाको बैठक ३ बजेका लागि सरेको छ । दिउँसो  १ बजेका लागि बोलाइएको सभाको बैठक ३ बजेका लागि सारिएको बागमती प्रदेश सभाका सदस्य निमा लामाले जानकारी दिए । 

बुधबार एमाले मुख्य सचेतक दीपक निरौलाले प्रदेस सभा सचिवालयलाई पत्र लेख्दै एमालेको वडा अधिवेशन सुरु हुन लागेको भन्दै कार्तिक ११ गतेसम्मका लागि प्रक्रिया सारिदिन आग्रह गरेका थिए । उक्त आग्रह गठबन्धन दलहरुले नमान्ने बताएपछि बैठक ३ बजेबाट सुरु हुने प्रदेश सभा सदस्य लामाले बताए । 

---

मुख्यमन्त्री अष्टलक्ष्मी शाक्यले आज विश्वासको मत्त लिने तयारी छ । गत असोज २४ गते बसेको प्रदेश सभा बैठकमा शाक्यले विश्वासको मत्त लिने प्रस्ताव पेश गरेकी थिइन् । सोही दिन आज दिउँसो १ बजेका लागि बैठक आव्हान गरिएको थियो ।