म्युजिक भिडियोमा आर्यनको व्यस्तता, रुविनालाई ‘मेरी सानी’ भन्दै आर्यन

काठमाडौँ - चलचित्र तथा म्युजिक भिडियो छायांकर सौरभ लामाले ‘मेरी सानी’ बोलको गीत निर्देशन गरेका छन् ।  डीपी खनाल र साडु खनालको शब्द रहेको गीतमा रविन लिम्बूको स्वर, शंकर थापा ‘स्माइल’को संगीत छ ।

सौरभले यो गीतको भिडियोमा नायक आर्यन सिग्देल र नायिका रुविना थापालाई फिचर्ड गरेका छन् । आफ्नी मायालुसँग टाढा भएको एक प्रेमीले आफ्नी प्रेमिकालाई संझिएर यो गीत गाएका हुन् । हिमाल श्रेष्ठको छायांकन, सुरेश पाण्डेको कोरियोग्राफी, सौरभ लामाको डीओपी र निर्देशन, अर्जुन जीसीको सम्पादन यो भिडियोमा छ ।

---

हातमा फिल्म शून्य रहेका आर्यनले आफूलाई म्युजिक भिडियोमा व्यस्त राखेका छन् । यसअघि रुबिनासँग मात्र आर्यनका चार पाँच वटा भिडियो सार्वजनिक भइसकेका छन् । तर आर्यन अभीनित कुनै पनि भिडियोले बिघ्न चर्चा भने पाउन सकेका छैनन् ।