सामसँग ब्रिट्नी स्पेयर्सको विवाह

लसएन्जल्स - गायिका ब्रिट्नी स्पेयर्सले प्रेमी साम असघरीसँग बिहीबार विवाह गरेकी छिन् । मुठ्ठीभर मान्छेको उपस्थितिमा उनले लसएन्जल्समा विवाह गरेको समाचार छ । सात महिना अघि मात्र अदालतले उनलाई बुबाको कन्जरभेटरीबाट मुक्त गर्ने निर्णय गरेको थियो ।

ड्रग्सको कुलतमा फसेकी ब्रिटनीलाई सो व्यवस्थाले विवाह गर्ने र बच्चा पाउने अधिकारमा पनि रोक लगाएको थियो । सात महिनाअघि अदालतमा बहस हुँदा उनले सो अदालती व्यवस्थाका कारण आफूले न विवाह गर्न पाएको न बच्चा जन्माउन पाएको भन्दै १३ वर्ष लामो कन्जरभेटरसिपबाट मुक्त गर्न अदालतसमक्ष गुनासो गरेकी थिइन् । 

---

उनको विवाहमा परिवारबाट कोही पनि उपस्थित नभएको जनाइएको छ । ब्रिट्नीको पहिलेका श्रीमानबाट दुई छोरा छन् । यी दुई छोराबाहेक विवाहमा ब्रिट्नीको बुबा र बहिनी कोही पनि उपस्थित नभएको समाचार छ ।

सीमित साथीलाई निमन्त्रण गरेको ब्रिट्नीको विवाहमा पेरिस हिल्टन र ड्रिउ ब्यारीमोर मात्र उपस्थित भएको जनाइएको छ । सामसँग ब्रिट्नी ५ वर्षदेखिसँगै बस्दै आएकी थिइन् । सन् २०१६ मा एउटा म्युजिक भिडियोको सुटिङमा भेटिएका साम ब्रिटनीभन्दा १२ वर्ष कान्छा छन् ।