आदिकवि भानुभक्त आचार्यप्रति समर्पित गीत सार्वजनिक

 काठमाडौं - आदिकवि भानुभक्त आचार्य प्रति समर्पित गीत सार्वजनिक गरिएको छ । ‘भानुभक्त’ बोलको गीतमा सन्च मान राईको शब्द रहेको गीतमा किरण गजमेरको स्वर रहेको छ । गीतमा विश्वास गुरुङको संगीत रहेको छ । 

वि.स. १८७१ असार २९ गते तनहुँमा जन्मिएका भानुभक्त आचार्य नेपाली साहित्यमा आदिकविको रुपमा परिचित छन् । आचार्यको वि.स. १९२५ असोज ६ गते मृत्यु भएको थियो । उनै आदिकवि आचार्यको जीवनीका बारेमा सोधपत्र तयार गर्न काठमाडौंबाट तनहुँ पुगेका एक युवाले केके पाए भन्ने विषयमा भिडियो तयार गरिएको छ ।

---

गीतको भिडियोमा भने कमल सिंहले अभिनय गरेका छन् । उत्सव दाहालले खिचेको भिडियो प्रकाश दाहालले निर्देशन गरेका हुन् । भिडियो कोरियाग्राफ केशव राज भट्टको रहेको छ । भिडियोको एसोसियट डाइरेक्टरको रुपमा लोकराज अधिकारी रहेका छन् ।