अस्टिन र शोभा ‘डीडीएलजे’को ब्रोडवेका शाहरुख र काजोल

मुम्बई - भारतीय फिल्मको इतिहासमा सर्वाधिक रुचाइएको ‘दिलवाले दुल्हनियाँ ले जाएँगे’लाई यसका निर्देशक आदित्य चोपडाले ब्रोडवेको रुपमा मञ्चन गर्दैछन् । 
‘कम फल इन लभः डीडीएलजे म्युजिकल’ नाममा गरिन लागेको यो ब्रोडवेको हाल धमाधम तयारी चलिरहेको छ ।

तर यो ब्रोडवेमा रहने कलाकारको नाम हालसालै मात्र सार्वजनिक गरिएको थियो । यही वर्षको अन्त्यतिर हुन लागेको ब्रोडवेमा निर्माता यशराज फिल्मस् र दि ओल्ड ग्लोबले शाहरुख खान र काजोलको भूमिका निर्वाह गर्ने कलाकारको रुपमा अस्टिन कोलबी र शोभा नारायण चयन गरेको जनाएको छ । 

---

विशाल–शेखरको संगीत रहने ब्रोडवेमा काजलको भूमिका गर्न लागेकी शोभा नारायणले यसअघि डिज्नेको फिल्म ‘अलाद्दिन’मा राजकुमारी ज्यास्मिनको भूमिका निर्वाह गरेकी थिइन् भने अस्टिल कोलबी पनि डिज्नेकै फिल्ममा देखिने गरेका कलाकार हुन् ।

यीबाहेक ब्रोडवेमा ३० जना कलाकार रहने यशराजले जनाएको छ ।  ब्रोडवेमा २२ अंग्रेजी गीत रहनेछन् जसलाई डिज्नेकै फिल्म ‘फ्रोजन’का कोरियोग्राफर रब एसफोर्डले कोरियोग्राफ गर्नेछन् । 

ब्रोडवे सेप्टेम्बर १ देखि सुरु भएर अक्टोबर १६ सम्म चल्नेछ । निर्देशक आदित्य चोपडाले ब्रोडवेमा कथाको पृष्ठभूमि लन्डनबाट सारेर अमेरिका पुर्याइएको र कथा सिमरनको पक्षबाट वाचन गरिन लागेको पनि जनाएका छन् । सन् १९९५ मा प्रदर्शनमा आएको यो फिल्मले हलमा सर्वाधिक दिन चल्ने रेकर्ड राखेको छ । मुम्बईको मराठा मन्दिरमा यो फिल्म आजसम्म पनि एक सो चल्ने गरेको छ ।