गायनका लागि बैकक जाँदै प्रसुन

काठमाडौँ- नेपालको गायन प्रतिभा प्रसुनजंग पोखरेलले थाइल्यान्डमा हुने अन्तराष्ट्रिय प्रतियोगितामा विभिन्न देशका गायन प्रतिभासँग प्रतिस्पर्धा गर्ने अवसर पाएका छन् । ब्राईट फ्युचर सेकेन्डरी स्कुल, नैकापको कक्षा ९ मा अध्ययनरत  राजधानीका प्रसुनजंग पोखरेलले आगामी साता थाइल्यान्डको बैंककमा हुने अन्तर्राष्ट्रिय प्रतियगिता टिन स्टार इन्टरनेसनलमा नेपालको प्रतिनिधित्व गर्दै आफ्नो गायन कला प्रस्तुत गर्ने अवसर पाएका हुन्। परिवर्तन इभेन्ट हाउसद्वारा १० वर्षदेखि राजधानीमा आयोजना हुँदै आएको नृत्य, गायन तथा अभिनयको प्रतिस्पर्धात्मक कार्यक्रम डीएसए ९डान्स, सिंगिङ एन्ड एक्टिङ० सिंगिङ स्टार २०१९ को विजेता भएवापत प्रसुनले सो अन्तराष्ट्रिय प्रतिस्पर्धामा नेपालको प्रतिनिधित्व गर्ने अवसर पाएका हुन् । उक्त प्रतियोगितामा गायनबाट प्रतिनिधित्व गर्ने उनी एक्लो प्रतिस्पर्धी हुन् ।

देशभरका विभिन्न विद्यालयका करिव हजार जना प्रतिस्पर्धिमध्ये ग्रान्ड फिनालेमा प्रतिस्पर्धा गरेका एक सय चार विद्यार्थीलाई पछाडि पार्दै डीएसए सिंगिङ स्टारमा गायन विधाको विजयी बनेका १४ वर्षिय प्रसुनले टिन स्टार इन्टरनेसनलमा ५५ देशका ११ देखि १४ वर्ष उमेर समूहका सयौं प्रतिभाका बीच आफूलाई प्रतिस्पर्धामा उतार्नेछन्। सौन्दर्य प्रतियोगिताको शैलीमा हुने सो अन्तराष्ट्रिय प्रतियोगितामा प्रसुनले परिचय राउन्डदेखि ट्यालेन्ट, नेसनल ड्रेसजस्ता विभिन्न चरणमा आफुलाई प्रस्तुत गर्ने बताए ।

---

प्रसुनले प्रतियोगिमा स्पर्धा गर्ने क्रममा ट्यालेन्ट राउण्डमा गीत प्रस्तुत गर्ने तथा ड्रेस राउण्डमा राष्ट्रिय पोषाकमा सहभागी भई देशलाई अन्तर्राष्ट्रिय मञ्चमा चिनाउने तयारी गरेको उनलाई बिदाइ र शुभकामना प्रदान गर्न ब्राइट  फ्युचर  सेकेन्डरी स्कुलले विद्यालयमा आयोजना गरेको कार्यक्रममा बताए।
गायक सत्यसराज आचार्यले  प्रसुनले आमाबाबुबाटै राम्रो शिक्षा र हौसला पाएको र विद्यालयमा पनि  राम्रो वातावरण पाएकोले भविष्यमा समेत गायन क्षेत्रमा राम्रो प्रगति गर्न सक्ने चर्चा गरे ।

त्यस्तै  डीएसए सिंगिङ स्टारका आयोजक सस्था परिवर्तन ईभेन्ट हाउसका निर्देशक राज बराईलीले प्रसुन सन् २०१९ का विजेता भए पनि कोभिड १९ का कारण कार्यक्रम रोकिएकाले अहिले उक्त कार्यक्रमका लागि जान लागेको प्रष्ट्याए।
उपाधि विजेता भएसँगै उनले साथी बोलको गीत पनि रेकर्ड गराएका छन्। जसमा उनलाई संगीत र स्वरमा टंक बुढाथोकीले साथ दिएका छन्। गीतमाथिको भिडियोमा प्रसुनले अभिनेता राजेश हमालका साथ लोभलाग्दो अभिनयसमेत गरेका छन्।