एलओडी क्लबमा लक्की अली आउने

काठमाडौँ- भारतीय गायक 'लक्की अली'को सांगीतिक कार्यक्रम ठमेलस्थित 'एलओडी क्लब' मा हुने भएको छ । आगामी बुधबार (२९ गते) अलीको प्रस्तुति नेपालमा हुने पहिलो सो एलओडी क्लबबाट सुरु हुने भएको हो ।

'इन्डो नेपाल टुर' अन्तर्गत नेपालमा अलीको दुई स्थानमा प्रस्तुती हुने भएको छ । पहिलो सो काठमाडौँस्थित एलओडी क्लब, पोखराको क्याटवाक क्लब र अन्तिम प्रस्तुति भारतको सिलिगुडीमा हुनेछ ।

---

अलीले 'क्यू चल्ती हे पवन, आ -अबिजा- आ अबिजा, जाने क्या ऐसा ढुंढता हे, देखा ऐसा भी र तेरी यादे लगायतका अन्य चर्चित गीत गाएका छन् ।

एलओडीमा अलीको सांगीतिक कार्यक्रममा टिकट दर दुई देखि पैँतीस सयसम्म राखिएको क्लबका निर्देशक रविन श्रेष्‍ठले जानकारी दिए । 'टिकट अनलाइनबाट खरिद गर्न सकिन्छ,' उनले भने ।

यसअघि पनि एलओडीमा बलिवुड तथा हलिवुडका कलाकारले प्रस्तुति दिइसकेका छन् । श्रेष्‍ठले बलिवुडका नेहा कक्कर, अर्मन मल्लिक र इन्डियन आइडल पवनदीप लगायतका गायकहरूले शो गरिसकेका छन् । त्यसैगरी स्टेबीन बेन, ज्योतिका टंगारी लगायतका कलाकारले समेत प्रस्तुती दिइसकेका छन् ।