गायक तथा संगीतकार अमन प्रधान र सुचिन्दा श्रेष्ठको 'तिमी मेरो' को चर्चा चुलियो

सिन्धुपाल्चोक - गायिका तथा मोडल सुचिन्दा  श्रेष्ठको "तिमी मेरो" बोलको गीत भावसागर युट्युब च्यानल  मार्फत सार्वजनिक भएसंगै नेपाली साङगितिक बजारमा यो गीतले चर्चा बटुल्न थालेको छ ।

कालो केसमा रेलीमाई, फुलबुट्टे सारी, गाजल टिकि जस्ता चर्चित म्युजिक भिडियो निर्देशन गरिसकेका युवा निर्देशक राजेश पुमा राईको निर्देशनमा बनेको  म्युजिक भिडियोमा मोडल तथा नायक सन्जिब थेबे लिम्बू र गायिका सुचिन्दा श्रेष्ठ स्वयंले अभिनय गरेका छन ।

---

प्रेमकथामा आधारित गीतको म्युजिक भिडियोले युट्युब र टिकटकमा चर्चा बटुलिरहेको छ। मुलुकको समसामयिक अवस्थाले तीन वर्षदेखि विदेशमा रहेको प्रेमी र नेपालमै आफ्नो प्रेमीलाई कुरिरहने प्रेमिकाबीचको प्रगाढ प्रेमिल भावलाई भिडियोमा समेटिएको छ ।

चर्चित निर्देशक राजेशपुमा राइले भिडियो रोमान्टिक र संयोगान्त सन्देशमुलक कथामा प्रस्तुत गर्न सफल भएका छन् । गीतको शब्द वरिष्ठ गीतकार अम्बिका गुरुङले लेखेकी हुन्। वेष्टन पप जनरामा बनेको गीतको एरेन्ज÷ मिक्स÷ माष्टर राहुल प्रधानले गरेका छन्। यो गीतको संगीत, चर्चित संगीतकार तथा गायक अमन प्रधानले गरेका हुन । 

गायन र नृत्य कलामा अब्बल सुचिन्दा श्रेष्ठको यस अघि “एक चोटि आईदेउन“ बोलको गीत हाईलाईट्स नेपाल युट्युब च्यानलबाट रिलिज भै सकेको छ ।