अन्तत: राजेशपायल राईले गरे साङबुङसँग औपचारिक विवाह

काठमाडौँ - गायक राजेशपायल राईले प्रेमिका साङबुङ राईसँग औपचारिक रुपमा विवाह गरेका छन् । गत मंसिर २६ गते काठमाडौं महानगरपालिका-३१ को वडा कार्यालयमा उनले विवाह दर्ता गरेका छन् । उनीहरूको विवाह दर्ताको  प्रमाणपत्र बुधबार सार्वजनिक भएको हो । 

विवाहअघि लिभिङ टुगेदरमा बस्दै आएका उनीहरूको एक छोरासमेत छन् । साङबुङ २० वर्ष नपुगेका कारण छोरा हुँदासमेत उनीहरूले औपचारिक विवाह गरेका थिएनन् । विवाहबारे सञ्चारमाध्यममा समाचारहरू आएपनि राजेशपायलले भने अहिलेसम्म औपचारिक रुपमा केही खुलाएका छैनन् ।  

---

विवाह दर्ताअनुसार राजेशपायलको उमेर ४७ वर्ष र प्रेमिका सङबुङ २१ वर्षकी छिन् । काठमाडौं महानगरपालिका वडा नम्बर ३१ का वडाध्यक्ष सरोज ढकालले राजेशपायल राईले विवाह दर्ता गरेको पुष्टि गरे ।