भारतीय गायक ओशो जैन सोल्टीको प्रिभेमा गुञ्‍जँदै

काठमाडौं - 'तु ऐसा कैसे है’, ‘खूश तो है ना’, ‘हमारा हो गया’ लगायतका चर्चित गीतका गायक तथा कवि ओशो जैनले नेपालमा सांगीतिक प्रस्तुति दिने भएका छन् । गायक तथा कवि जैनले आफ्नो सांगीतिक समूहसहित प्रिभे नेपाल, सोल्टी काठमाडौंमा प्रस्तुति दिन लागेका हुन् । 

फागुन २७ गते उनले आफूलाई ब्यान्डसहित प्रस्तुत गर्नेछन् । गीतमा कविता र यसमा पनि उर्दू मिसाउन मन पराउने जैनले अहिलेसम्म ३५ वटा गीत रेकर्ड गराइसकेका छन् । 

---

नेपाली गायिका सुरक्षा मल्लले पनि आफ्ना गीत गाउनेछिन् । कार्यक्रममा सहभागी हुुन दुई हजार रुपैयाँ प्रवेश शुल्क तोकिएको छ । कार्यक्रमको होस्ट सन् २०२० की मिस नेपाल नम्रता श्रेष्ठ रहेकी छिन् ।