ज्वाइँ साब'को पहिलो गीत सार्वजनिक, गाम्भिर बिष्टको कोरियोग्राफीमा जितु नेपालको धमाका!

काठमाडौँ- चलचित्र 'ज्वाइँ साब'को पहिलो गीत 'कसम बत्तीको' सार्वजनिक भएको छ। बुधबार आयोजित पत्रकार सम्मेलनमा सार्वजनिक गरिएको यो गीतमा निशान भट्टराई र समीक्षा अधिकारीको स्वर, यादव लम्सालको शब्द, र अर्जुन पोखरेलको संगीत रहेको छ । उक्त चलचित्र असोज २४ गते फूलपातीको दिन रिलिज हुन लागेको हो ।

राजकुमार पण्डितको निर्माणमा तयार भएको फिल्मलाई बसन्त निरौलाले निर्देशन गरेका छन् । विवाहको परिवेशलाई समेटिएको यस गीतको भिडियोमा प्रमुख कलाकार जितु नेपाल र नीति शाहले आकर्षक नृत्य प्रस्तुत गरेका छन्।

---

चलचित्रमा गम्भिर बिस्टाले कोरियोग्राफी गरेका छन् भने सुरेन्द्र बासेल र थाम्मान तादी सहायक कोरियोग्राफरको रुपमा रहेका छन्। कार्यकारी निर्माता विजय बस्याल, निर्माता मीनादेवी खड्का, सौगात पण्डित, र पदमलाल तामाङ रहेका छन्।

चलचित्रको छायांकन श्याम तामाङले गरेका छन् भने सम्पादन सन्देश शाहले गरेका छन्। रेड आई फिल्म्सको प्रस्तुति र मौसम फिल्म्सको सहकार्यमा बनेको यस चलचित्रमा जितु नेपाल, नीति शाह, वुद्धि तामाङ, हिमेश पन्त लगायतका कलाकारहरूको सशक्त अभिनय देख्न सकिनेछ।

गम्भिर बिष्टको उत्कृष्ट कोरियोग्राफी र जितु नेपालको जीवन्त अभिनयले 'ज्वाइँ साब' लाई आकर्षक बनाएको छ । चलचित्रको यो गीतले दर्शकलाई झन् थप आकर्षण गरेको छ।