सुमन र प्रविशा अधिकारीको 'कस्तुरी'

काठमाडौँ - गीतकार मधु पौडेलको शब्द तथा संगीतकार प्रहाल्द बोगटीको संगीत समावेश नयाँ गीत सार्वजनिक भएको छ । सार्वजनिक 'कस्तुरी' बोलको गीतमा सुमन केसी र प्रविशा अधिकारीले स्वर दिएका छन् । सुमन र प्रविशाको सहकार्य रहेको गीत 'कति माया गर्छौ' निकै हिट भएको थियो ।

'कस्तुरी'को भिडियोमा पनि 'कति माया गर्छौ'मा देखिएका अभिनेता नाजिर हुसेन र मोडल सुशिला थापा फिचर्ड भएका छन् । भिडियोमा नाजिर र सुशिला निकै रोमान्टिक देखिएका छन् । शान थापाको निर्देशनमा बनेको भिडियोमा राजिव समर सहायक निर्देशकको रुपमा रहेका छन् । बुद्ध थापाले खिचेको भिडियोलाई सुप्रिम पराजुलीले सम्पादन गरेका छन् ।

 

---