पर्यटन प्रवर्द्धन गर्ने पुष्कर शाहको गीत [भिडियोसहित]

काठमाडौँ - विश्व साइकल यात्री पुष्कर शाहको गीत सार्वजनिक भएको छ । नेपालका विभिन्न ठाउँमा साइकल यात्रा गर्दै पर्यटन प्रवद्र्धन गरिरहेको गीत युट्युबमा सार्वजनिक भएको हो । ‘लट्टर खैरे भाँडा’ बोलको गीतमा पुष्कर शाहको स्वर छ ।

नेपाली लोक पप शैलीमा गीत गाएका उनले भिडियोमा भने पूर्व इलामदेखि पश्चिम कर्णालीको रारासम्मको दृश्यलाई साइकल यात्रामा देखाएका छन् । रमाइलो लोक पप शैलीको गीतमा आकर्षक दृश्यले मन छुन्छ भने शाहसँगै साइकल यात्रीको रमाइलो ‘साइक्लिङ’ले गीतको भिडियो हेर्नेलाई मनोरञ्जन दिन्छ । 

---

गीतको भिडियो किरण श्रेष्ठले निर्देशन गरेका हुन् ।