एक अर्कालाई ‘करोडौँमा’ एक ठान्दै आर्यन र रुविना

काठमाडौँ - गायक क्षितिज सापकोटा र गायिका स्वेच्छा ठकुरीको स्वरमा नयाँ गीत भिडियो सार्वजनिक गरिएको छ। सार्वजनिक ‘करोडौँमा’ बोलको गीतमा शब्द रचना गायक स्वयम् क्षितिज सापकोटाको रहेको छ भने संगीत अर्जुन पोखरेलको रहेको छ। परदेशमा रहेर पनि निरन्तर नेपाली गीत संगीतमा सक्रिय क्षितिज सापकोटाको यस अघि 'चाहिंदैन तिमी विनाको सुनैको दरबार’ले दर्शक श्रोताको राम्रो माया पाएको थियो ।

सापकोटाको भुल,निम्तो माखे साङ्ग्लो,सिरुपाते कम्मर,किराना पसल,किराना पसल २ जस्ता गीतहरु सार्वजनिक भइसकेका छन्। सापकोटा लामो समयदेखि अस्ट्रेलियामा बस्दै आए पनि निरन्तर नेपाली गीत संगीतमा सक्रिय छन् । सार्वजनिक भिडियोमा शिशिर खातीको निर्देशन आरजु बैजुको कोरियोग्राफी रहेको छ । भिडियोमा आर्यन सिग्देल र रुविना थापा फिचर्ड छन्।

---

रबिन्द्र बरालले छायाँकन गरेको भिडियो उत्कृस्ट बनेको छ। मनोज कार्कीले सम्पादन गरेको भिडियोमा राजेन्द्र मोक्तानको कलर संयोजन रहेको छ। भिडियो फोरबी इन्टरटेन्टमेन्टको अफिसियल च्यानल मार्फत सार्वजनिक गरिएको छ। यस अघिका गीत जस्तै यो गीतलाई पनि संगीतप्रेमी दर्शक श्रोताले मन पराउनेमा गायक सापकोटा विश्वस्त छन् ।