र्‍यापर लाहुरे धरौटीमा छुटे

काठमाडाैँ- र्‍यापर आशिष राना उर्फ लाहुरे धरौटीमा रिहा भएका छन् । पोखराको न्यूरोडबाट लागुऔषध खैरो हेरोइनसहित पक्राउ परेका उनलाई कास्की जिल्ला अदालतले ५० हजार रुपैयाँ धरौटीमा रिहा गरेको हो ।

'उनलाई फौजदारी कार्यविधि संहिताको दफा ६८ अनुसार धरौटीमा रिहा गरिएको छ,’ कास्की जिल्ला अदालतका सूचना अधिकारी नीलप्रसाद पनेरुले भने । लाहुरेसँगै पक्राउ परेका ध्रुवबहादुर थापा, नविन कुमार गुरुङ र सुस्मिता गुरुङलाई भने पुर्पक्षका लागि थुनामा पठाइएको छ ।

---