धर्मस्थली जात्रामा सविन राईसहित विभिन्न कलाकारको सांगितिक कार्यक्रम हुने

काठमाडौँ – घोडेजात्राको अवसरमा धर्मस्थली जात्रामा सांगितिक कार्यक्रम आयोजना हुने भएको छ । आइतबार साँझ हुने सांगितिक कार्यक्रममा सविन राई, विनोद ढकाल, हिमेश पन्त,रिया लामा, शिवानी विश्‍वकर्मालगायतत स्थानीय कलाकारले प्रस्तुति दिनेछन् ।

एक दशकभन्दा बढीदेखि धर्मस्थली जात्राको संरक्षण र प्रवर्द्धन गर्न प्रत्येक वर्षको घेडेजात्रामा सांगितिक कार्यक्रम भइरहेको कार्यक्रमका संयोजक सुमन महर्जनले जानकारी दिए । आफ्नो कला, संस्कृति र रितिरिवाजलाई संरक्षण गर्न यस्ता मेला जात्राले सहयोग गर्ने उनको भनाइ छ ।

---

जात्राको चौथो दिनमा आयोजकले विभिन्‍न कार्यक्रम गरेर मनाउन लागेको हो  । स्थानीय कला संस्कृतिहरूो पनि प्रदर्शन हुने उनले बताए ।

‘युवाहरूलाई आफ्ना संस्कृतिको बारेमा जानकारी दिएर यस्ता जात्राहरूको संरक्षण गर्न सकिन्छ’, उनले भने । १३ वर्षदेखि धर्मस्थली युवा समूहले सांगितिक कार्यक्रम गर्दै आएको यसपटक भने धमाठु युवा क्लबले गर्ने महर्जनले जानकारी दिए ।