जम्‍कट्टेल बागमती प्रदेशमा माओवादी दलको नेता

हेटौंडाः नेकपा माओवादी केन्द्र बागमती प्रदेश सभाको संसदीय दलको नेतामा शालिकराम जम्‍कट्टेल छानिएका छन् । सोमबार काठमाडौंमा बसेको माओवादी संसदीय दलको बैठकले नेतामा जम्‍कट्टेललाई छानेको छ ।

बैठकले उपनेतामा कुमारी मोक्तान, प्रमुख सचेतकमा बुद्धिमान माझी र सचेतकमा प्रतिमा श्रेष्ठलाई चयन गरेको नेकपा माओवादी केन्द्रका प्रदेश सांसद युवराज दुलालले जानकारी दिए । यसअघि सांसद बुद्धिमान माझी नेकपाको सचेतक थिए ।
 
दलको बैठकले प्रदेशको मुख्यमन्त्रीविरुद्ध दर्ता गरेको अविश्वास फिर्ता लिने निर्णय पनि गरेको छ । अब माओवादीले सरकारलाई दिएको समर्थन फिर्ता लिदै प्रमुख विपक्षीको भूमिकामा रहने सांसद दुलालले बताए । 

---