बालेनलाई प्रधानमन्त्री देउवाले भने – तपाईंले चमत्कार गर्नुभयो, म खुसी छु

काठमाडौँ- काठमाडौँ महानगरपालिकाका मेयर बालेन्द्र शाह (बालेन) ले प्रधानमन्त्री शेरबहादुर देउवालाई भेटेका छन् । बुधबार दिउँसो प्रधानमन्त्रीको सरकारी निवास बालुवाटारमा बालेन र देउवाबीच भेटघाट भएको हो ।

मेयर शाहका स्वकीय सचिव भुपदेव शाहले प्रधानमन्त्रीको भनाइ उदृत गर्दै भने,' तपाईंले चमत्कार गर्नुभयो, म खुशी छु । पाँच वर्षको कार्यकालमा हाम्रो पूर्ण समर्थन हुनेछ ।'

---

देउवाले शाहसँगको भेटघाटमा मलाई २४ घण्टा नै सम्झन सक्नुहुने भनाइ राखेका थिए । उनले शाहलाई महानगरको कार्यपालिकामा नेपाली कांग्रेसको बहुमत रहेकाले विकासको काममा सहयोग हुने र फोहोर व्यवस्थापनको लागि उपाय लगाउन आग्रह गरे ।

 केन्द्र सरकार, मन्त्रालय, सडक विभाग सबैबाट सहयोग हुने देउवाले आश्वासनसमेत दिएकाे मेयरका स्वकीय सचिव शाहले इकागजलाई जानकारी दिए ।