फेसबुकमा अपाच्य क्याप्सन लेखेर चरित्रहत्या गर्ने २० वर्षीया युवतीसहित २ पक्राउ

काठमाडौँ- सामाजिक सञ्जालमा नाबालिका, महिलाको तस्वीर तथा भिडियो इडिट गरेर चरित्रहत्या गरी आफन्त र साथीभाइलाई पठाउने दुई जना पक्राउ परेका छन् ।

सामाजिक सञ्जालमा पीडित नाबालिकाको फोटो र भिडियो बनाएर इडीट गरी आफन्त तथा साथीभाइलाई पठाउने काभ्रेपलाञ्चोक धुलिखेल ६ का २० वर्षीय विकेश कोँजुलाई पक्राउ गरिएको साइबर ब्युरोका प्रहरी प्रवक्ता नविन्द्र अर्यालले जानकारी दिए ।

---

त्यस्तै पीडित महिलाको चरित्रहत्या गरेकाले खोटाङ ऐसेलुखर्क १ की २० वर्षीय भोजकुमारी दाहाल पक्राउ परेकी छन् । उनले सामाजिक सञ्जालमा उनले पीडित महिलाको अपाच्य फोटो क्याप्सन सहित राख्थिन् ।

दाहाललाई काठमाडौँ महानगरपालिका १६ बालाजुबाट प्रहरीले नियन्त्रणमा लिएको हो ।

दुवै जनालाई विद्युत ऐन २०६३ कसुर गरेकाले कारबाही प्रक्रिया अगाडि बढाइएको अर्यालले जानकारी दिए । दुवैलाई अदालतबाट पाँच दिनको म्याद थपेर अनुसन्धान गरिरहेको उनको भनाइ छ ।