सीमानाकामा नेपाली बाहेकलाई प्रवेश नदिन सीसीएमसीको सिफारिस

काठमाडौँ : कोभिड-१९ को जोखिम बढेपछि कोभिड-१९ संकट व्यवस्थापन केन्द्र (सीसीएमसी)ले सीमानाकामा नेपाली बाहेकलाई प्रवेश निषेध गर्न सिफारिस गरेको छ । आइतबार बसेको सीसीएमसीको बैठकले भारत लगायतका देशबाट आउने नेपाली बाहेकलाई प्रवेश नदिन सरकारलाई सिफारिस गरेको हो ।

पछिल्लो समय कोभिड-१९ को जोखिम र त्रास बढेसँगै भारतबाट नेपालीसँगै भारतीय पनि नेपाल आउने क्रम तीव्र भएको सीमानाकामा रहेका स्थानीयले बताएका छन् । नेपाल भएर तेस्रो मूलुक जानका लागि भारतीयहरु आउने क्रम बढेपछि सीसीएमसीले यस्तो सिफारिस गरेको हो ।

---

सीसीएमसीले नेपाल भारतबीच आवश्यक पर्ने खाद्य सामग्री, पेट्रोलियम पदार्थ लगायतका अतिआवश्यक ढुवानीलाई भने नियमित ओसारपसार गर्न दिने सिफारिस गरेको छ । पछिल्लो समय भारतमा दैनिक हजारौँ संक्रमितको मृत्यु हुन थालेपछि भारतबाट नेपालीसँगै भारतीय पनि आउन थालेपछि सरकारले सीमानाका कडाई गर्न लागेको हो ।