नेपाल-भारतबीच १३ नाका नियमन २२ नाका बन्द

काठमाडौँ : कोभिड-१९ संकट व्यवस्थापन केन्द्र (सीसीएमसी) सिफारिसलाई सदर गर्दै सरकारले नेपाल-भारतबीच रहेका १३ नाकामात्रै खुला गर्ने निर्णय गरेको छ । नेपालले २२ नाका बन्द गर्ने र खुलेको १३ नाका पनि नियमन गर्ने निर्णय मन्त्रिपरिषदले गरेको हो । 

शुक्रबार बसेको सीसीएमसीको आकस्मिक बैठकले भारतसँगको साना-ठूला तर मुख्य आउजाउ हुने ३५ नाकामध्ये १३ वटा मात्रै खुल्ला गर्ने निर्णय गरेको हो । यसका साथै मन्त्रिपरिषदले अन्तराष्ट्रिय उडान बुधबारबाट बन्द गर्ने निर्णयसँगै आन्तरिक उडान सोमबारबाटै बन्द गर्ने निर्णय लिएको छ ।

---

काेभिड-१९ संक्रमणको जोखिम कम गर्न आन्तरिक र अन्तराष्ट्रिय  हवाई उडान बन्द गर्न निर्णय गरेको हो ।  हाललाई दुवै उडान वैशाख मसान्तसम्म बन्द हुने बताइएको छ । राष्ट्रिय अन्तर्राष्ट्रिय चार्टर्ड उडानलाई अनुमति दिइने पनि उल्लेख छ। मन्त्रिपरिषदले कोभिड नियन्त्रणका लागि आम नागरिकले पनि धैर्यता देखाउनुपर्ने भन्दै सरकारले सबै पाटोमा अडेर काम गर्ने बताए ।