सिलिण्डर खोज्दै नेपालगञ्‍ज उपमहानगर प्रमुख

नेपालगञ्‍ज :  नेपालगन्जमा रहेका आइसोलेशन र कोभिड-१९ अस्पतालमा अक्सिजन अभाव हुन नदिन नेपालगन्ज उपमहानगर पालिकाका नगर प्रमुख डा. धवलशम्शेर राणा सिलिण्डरको खोजीमा लागेका छन् । अस्पतालबाहेक अन्य काममा प्रयोग भएका सिलिण्डर नगर प्रमुख डा. राणाको पहलमा आइसोलेशन केन्द्रसम्म आइपुगेका छन् ।

अक्सिजन सिलिन्डरको अभाव भइरहेका बेला नेपालगन्जका नगर प्रमुख राणाले औद्योगिक क्षेत्रमा राखिएका सिलिन्डर  रामलिला मैदानमा रहेको अक्सिजनसहितको आइसोलेशनमा केन्द्रमा बुझाएका छन् । 

---

नगर प्रमुख राणाका स्वकीय सचिव विरेन्द्र रावतका अनुसार शनिबार चार सिलिण्डर आइसोलेशनमा जम्मा गरिएको छ । यो अभियानलाई निरन्तरता दिने नगर प्रमुख राणाले बताएका छन् । नेपालगन्ज उपमहानगरले रामलिला मैदान, वडा नम्बर ४ र ह्वाइटहाउसमा आइसोलेशन सञ्‍चालन गरिरहेको छ ।