लिभरपुल र चेल्सीको च्याम्पियन्स लिग सपना पूरा

काठमाडौँ : अन्तिम खेलमा जित निकाल्दै लिभरपुलको अर्को सिजन च्याम्पियन्स लिग खेल्ने सपना पूरा भएको छ । आइतबार राती भएका खेलमा लिभरपुलले क्रिष्टल प्यालेसलाई २-० गोलले हराउँदै तेस्रो स्थान स्थान पक्का गरेको हो । जितसँगै लिभरपुल ३८ खेलबाट ६९ अंकसहित लिगको तेस्रो स्थानमा रह्यो ।

यस्तै चेल्सी एस्टन भिल्लासँग २-१ गोलले पराजित भएपनि अन्तिम चारमा स्थान बनाउन सफल भयो । अन्तिम खेलमा लेस्टर सिटी टोटनहमसँग पराजित भएपछि चेल्सीको भाग्य खुलेको हो । चेल्सी ३८ खेलबाट ६७ अंकसहित चौथो स्थानमा रहेर अर्को सिजन च्याम्पियन्स लिगका लागि छनौट भएको हो । चेल्सी यो सिजन च्याम्पियन्स लिगको फाइनलमा पुगेको टिम हो । उसले उपाधिका लागि लिग च्याम्पियन सिटीसँग अर्को हप्ता लिस्बनमा खेल्नेछ । 

---

टोटनहमसँग पराजित भएको लेस्टरको भने ६६ अंक छ । अन्तिम खेल गुमाउनु लेस्टरका लागि दुर्भाग्य सावित भयो । यो सिजनको उपाधि म्यानचेस्टर सिटीले उचाल्यो भने लामो समयपछि म्यानचेस्टर युनाईटेड दोस्रो स्थानमा रह्यो ।