सर्वोच्च बारले घिमिरे र केसीलाई सिफारिस गर्‍यो एमिकस क्युरीमा

काठमाडौं : सर्वोच्च अदालत बार एसोसिएसनले एमिकस क्युरीमा वरिष्ठ अधिवक्ताद्वय कोमल प्रकाश घिमिरे र प्रकाशबहादुर केसीलाई सिफारिस गरेको छ । आज बसेको बारको बैठकले प्रतिनिधि सभा विघटनविरुद्धको रिटमा वरिष्ठ अधिवक्ताद्वय घिमिरे र केसीलाई एमिकस क्युरीमा सिफारिस गरेको सचिव ऋषिराम घिमिरेले विज्ञप्ति जारी गरेर जनाएका छन् ।

जेठ ७ गते सरकारको सिफारिसमा राष्ट्रपति विद्यादेवी भण्डारीले प्रतिनिधि सभा विघटन गरेकी थिइन् । 

---

रिटमा प्रधानन्यायाधीश चोलेन्द्रशम्शेर जबरा, न्यायाधीशहरू दीपककुमार कार्की, मीरा खड्का, ईश्‍वरप्रसाद खतिवडा र डा. आनन्दमोहन भट्टराईको इजलासले नेपाल बार एशोसिएसन र सर्वोच्च अदालत बार एशोसिएसनबाट २/२ जना एमिकस क्युरी माग गरेको थियो । त्यही माग बमोजिम सर्वोच्च बारले सिफारिस गरेको हो । गम्भीर मुद्दामा अदालतले राय आवश्यक पर्ने ठानेमा एमिकस क्युरी माग गर्छ । 

बार एसोसिएसनले भने अझै सिफारिस गरेको छैन ।