ओलीका गलत कदमलाई सर्वोच्चले सच्याउनु स्वागतयोग्य : पौडेल

काठमाडौँ : नेपाली कांग्रेसका वरिष्ठ नेता रामचन्द्र पौडेलले प्रधानमन्त्री केपी शर्मा ओलीको जथाभावी निर्णय रोक्दै संविधानको बाटोमा डोर्‍याउने काम गरेको प्रतिक्रिया दिएका छन् । सर्वोच्च अदालतको अन्तरिम आदेशले संविधानमाथिको प्रहारलाई  सही बाटोमा लौजान ओलीलाई ‘करेक्सन’ गरेको बताए ।

मन्त्रिपरिषद् विस्तारको आदेश बदर गर्न सर्वोच्च अदालतले दिएको अन्तरिम आदेशबारे उनले भने, ‘ओलीका गलत कदमलाई सर्वोच्चले सच्याउनु स्वागतयोग्य छ । चुनाव घोषणा गरेको प्रधानमन्त्रीले सरकार विस्तार गर्ने कार्य कही कतै हुँदैन ।’ 

---

प्रधानमन्त्री ओलीले संविधानलाई नै कुल्चेर हिँडेकाले उनलाई सच्याउने काम भएको भन्दै यो आदेशलाई स्वागतयोग्य भन्दै उनले थपे, ‘सर्वोच्चले नेपाली जनताले बनाएको संविधानको पक्षमा निर्णय गरेको छ । यो राम्रो कुरा हो । प्रधानमन्त्रीले संसद् बाहिर रहेर निकास खोज्ने काम गरेकाले पनि त्यसलाई सच्याउन यो आदेश आवश्यक थियो । जुन आयो ।’

संविधान र लोकतन्त्रका पक्षमा नेपाली कांग्रेसले उठाउँदै आएको धारणा पनि यही हो, जुन सर्वोच्चले सावित  गरिदिएको छ भन्दै उनले अन्तरिम आदेशप्रति खुसी व्यक्त गरे ।