प्रधानमन्त्री ओली पूर्णतः दक्षिणपन्थी धारमा गए : माधवकुमार नेपाल

काठमाडौं : एमाले वरिष्ठ नेता माधवकुमार नेपालले ‘प्रधानमन्त्री केपी शर्मा ओली पूर्णतः दक्षिणपन्थी धार’मा गएको टिप्पणी गरेका छन् । उनले ‘कोर्स करेक्सन’ गर्छन् भने सकारात्मक हुन सकिने बताएका छन् ।

सम्पादकहरूसँगको अन्तक्र्रियामा कांग्रेस सभापति शेरबहादुर देउवातिर फर्कर्दै उनले भने, ‘ओली ‘कोर्स करेक्सन’ गरेर आउँछन्, राजीनामा दिन्छन् भने ठाउँ दिनुपर्छ, कसो शेरबहादुरजी ।’

---

तर, नेपालले आफूलाई सिध्याउन ओलीले कुनै कसर बाँकी नराखेको टिप्पणी पनि गरे । उनले भने, ‘माधव नेपालको एउटा परिचय छ, प्रधानमन्त्री भइसकेको व्यक्ति हो, राष्ट्रिय नेता पनि हो । तर, मलाई साधारण सदस्यताबाट हटाइयो । त्यो हटाइ कौन पुछेगा खेसरी दाल जस्तै हो ।’

उनले निश्चित चिन्तनबाट आफूहरू आन्दोलनमा होमिएको र त्यसबाट विचलित नहुने टिप्पणी पनि गरे । उनले भने, ‘यो आन्दोलन पदका लागि होइन । देशको स्वाधीनता र स्वाभिमान लागि हो ।’