काठमाडौँ : नेकपा एमालेले सर्वाेच्चको आदेशपछि पुनर्वहाली भएका कर्णाली प्रदेशका तीन सांसदलाई पुनःनिलम्बन गरेको छ । एमालेको प्रदेश संसदीय दलले उनीहरुलाई निलम्बन गरेको जानकारी गराएपछि प्रदेश सभा सचिवालयले अम्मरबहादुर थापा, कुर्मराज शाही र नन्दसिंह बुढालाई एक महिना निलम्बन गरेको सूचना सार्वजनिक गरेको हो ।  

माओवादी केन्द्रका महेन्द्रबहादुर शाही नेतृत्वको सरकार जोगाउन फ्लोर क्रस गरेका एमालेका चारमध्ये तीन सांसदलाई पुन निलम्बन गरिएको हो । यसअघि निलम्बनमा परेका ज्वाला सिंहलाई भने यसपटक निलम्बन गरिएको छैन ।   

---