मलेसियामा रहेका नेपालीले दिए स्वास्थ्य मन्त्रालयलाई ६५ थान बाइप्याप भेन्टिलेटर

काठमाडौँ : कोभिड-१९ का बिरामीहरूका लागि अत्यावश्यक पर्ने ६५ थान बाइप्याप भेन्टिलेटर सरकारलाई सहयोग स्वरुप हस्तान्तरण गरेको छ । रोजगारीको शिलशिलामा मलेसियामा रहेका नेपालीहरूको सक्रियता रहेको सामाजिक कल्याण संघ जनउद्धार केन्द्र मलेसियाले उक्त सहयोग स्वास्थ्य तथा जनसंख्या मन्त्रालयलाई हस्तान्तरण गरेको हो ।

उक्त सामग्री गाउ र नगरपालीकामालाई हेर्ने जिल्लास्तरका अस्पतालहरुमा पुर्‍याइने बताइएको छ । वेस्टर्न डिजिटलमा कार्यरत नेपाली र लभ पेनाङ नेटवर्कको सहकार्यमा सामाजिक कल्याण संघ जनउद्धार केन्द्र मलेसियाले ६५ थान बाइप्याप भेन्टिलेटर मन्त्रालयकालाई हस्तान्तरण गरेका हुन । उनीहरुले उक्त सामाग्री आफ्नो तवरले गाउँमा लैजाने भने पनि सरकारले समान वितरण अनुरुप अभाव भएको पालीकाम लैजाने जनाएको छ । 

---

जनउद्धार केन्द्रको सद्भावना दूत समेत रहेका हास्यकलाकार मनोज गजुरेलले स्वास्थ्य तथा जनसंख्या मन्त्रालयका प्रमुख विशेषज्ञ डा. रोशन पोखरेललाई उक्त सहयोग गाउँ स्तरमा पुर्‍याउन भन्दै विहिबार हस्तान्तरण गरेका हुन् ।

सहयोगबाट प्राप्त भएका भेन्टिलेटर आवश्यकता अनुरुप नै विभिन्न गाउँ र शहरमा नै पुग्‍ने उल्लेख छ । डा. रोशनमा अनुसार जिल्ला अस्पतालहरूको आवश्यकता अनुसार नै पठाइने छ ।