धादिङमा पहिरो : पाँच सवारी साधन पुरिए, दुईको मृत्यु, ६ घाइते

काठमाडौँ : पहिरोले धादिङमा दुई जनाको मृत्यु भएको छ । शनिबार बिहान धादिङको बेनीघाट रोराङ गाउँपालिका-१० जवाङ खोलामा पहिरोले पाँच वटा सवारी साधन पुरिँदा दुई जनाको मृत्यु भएको हो ।

काठमाडौँबाट मुग्‍लिनतर्फ जाँदै गरेको ना ८ ख ४५४० नम्बरको ट्रकमा रहेका चितवनको राप्ती नगरपालिका-६ बस्ने अन्दाजी १८ वर्षीय बिरबल प्रजा र ना ७ ख ३२० नम्बरको कन्टेनरमा सवार भारतकी ४३ वर्षीया सोनी देवीको मृत्यु भएको जिल्ला प्रहरी कार्यालय धादिङका प्रहरी नायव उपरीक्षक जागेश्वर भण्डारीले बताए । उनका अनुसार ६ जना घाइते भएका छन् ।

---

बा १ ग २८३१ नम्बरको ट्रक, बा १२ च ७१५६ नम्बरको म्याजिक भ्यान, ना ८ ख ४५४० नम्बरको ट्रक, पीएन २८ एए ०१२० नम्बरको ट्रक र ना ७ ख ३२० नम्बरको कन्टेनर पुरिएको प्रहरीले जनाएको छ ।