२९०५ मा संक्रमण पुष्टि, १८ को मृत्यु

काठमाडौँ : बुधबार मुलुकभर थप २९०५ जनामा कोभिड-१९ संक्रमण पुष्टि भएको छ । मुलुकभर गरिएको ८ हजार एक सय आठ पीसीआर परीक्षणमा दुई हजार १० जना र ४९१६ एन्टिजेन परीक्षणका क्रममा ८९५ जनामा संक्रमण पुष्टि भएको स्वास्थ्य मन्त्रालयले जनाएको छ । यो संगै नेपालका कोभिड संक्रमितको संख्या ७ लाख ६ हजार ७६१ पुगेको छ ।

त्यस्तै कोभिडका कारण थप १८ को मृत्यु भएको छ । हालसम्म नेपालमा कोभिडका कारण मृत्यु हुनेको संख्या ९ हजार ४ सय ३० पुगेको छ । 

---

त्यस्तै थप १६०६ जना संक्रमणमुक्त हुँदा हालसम्म नेपालमा ६ लाख २४ हजार ७११ जना कोभिडमुक्त भएका छन् ।

हाल २६ हजार ६४७ सक्रिय संक्रमित आइसोलेसन र २९३ जना क्‍वारेन्टिनमा छन् । हालसम्म नेपालमा ३४ लाख ३८ हजार ३३० वटा पीसीआर र २ लाख ४७ हजार ५४२ एन्टीजेन परीक्षण गरिएको मन्त्रालयले जनाएको छ ।