गण्डकीका दुई मन्त्रीमा कोभिड-१९ संक्रमण

पोखरा - गण्डकी प्रदेशका दुई मन्त्रीमा कोभिड-१९ संक्रमण पुष्टि भएको छ । वन, वातारण तथा भूसंरक्षणमन्त्री दीपक थापा र भूमि व्यवस्था, कृषि, सहकारी तथा गरिवी निवारणमन्त्री चन्द्रबहादुर बुढामा शनिबार कोभिड-१९ संक्रमण पुष्टि भएको हो । 

मन्त्रीद्वयमा शुक्रबार बिहानबाट कोभिडको लक्षण देखिएको थियो । मन्त्री थापालाई रुघाखोकी र अर्का मन्त्री  बुढालाई ज्वरोसहित रुघाखोकी देखिएपछि दुवैले कोभिड परीक्षण गराएका थिए । परीक्षणमा संक्रमण पुष्टि भएको हो । मन्त्रीद्वय केही दिनअघि पोखरा मगर संघले आयोजना गरेको बधाई ज्ञापन कार्यक्रममा सहभागी भएका थिए ।

---