एमाले स्थायी समिति बैठक बस्दै

काठमाडौँ - नेकपा एमालेको स्थायी समिति बैठक बस्दैछ । ललितपुरको च्यासलस्थित तुलसीलाल स्मृति प्रतिष्ठानमा बिहान ११ बजे बैठक बस्ने एमाले कार्यालयसचिव शेरबहादुर तामाङले जानकारी दिए । उनकाअनुसार आजको स्थायी समितिमा बैठकमा यसअघि माधव नेपाललाई साथ दिँदै आएका तेस्रो धारका भनिएका नेतारू पनि सहभागिता हुनेछन् । 

आजको बैठकमा १० बुँदे सहमति कार्यान्वयनका बिषयमा थप छलफल हुनेछ । स्थायी कमिटीले दल दर्ता रोक्दै एकताका लागि आह्वान समेत गर्ने प्रवक्ता प्रदीप ज्ञवालीले बताए ।

---

सोमबार विघटित पार्टी एकता कार्यदलले तय गरेको १० बुँदे सहमति कार्यान्वयन गर्न अध्यक्ष केपी शर्मा ओली सहमत भएका थिए । अध्यक्ष ओली कार्यदलले तय गरेको सहमति कार्यान्वयन गर्दै पार्टी कमिटीलाई २०७५ साल जेठ २ गतेको अवस्थामा फर्काउन तयार भएका हुन् । एमाले उपाध्यक्ष भीम रावल, उप महासचिव घनश्याभ भुसाल, सचिव गोकर्ण विष्ट, स्थायी कमिटीका सदस्य सुरेन्द्र पाण्डे लगाएतका नेताहरू ओलीसंग छलफल गर्न सोमबार बालकोट पुगेका थिए ।