७२३२ को परीक्षण गर्दा थपिए १२१७ संक्रमित

काठमाडौँ : पछिल्लो २४ घण्टामा एक हजार २ सय १७ जनामा कोभिड-१९ को संक्रमण पुष्टि भएको छ । सात हजार २ सय ३२ जनाको पीसीआर परीक्षण गर्दा यती संख्यामा संक्रमण देखिएको हो । 

यो सँगै नेपालमा कोभिड संक्रमितको संख्या दुई लाख ४५ हजार ६ सय ५० पुगेको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार बिहीबार देशभर १२ हजार ३ सय ८६ जना सक्रिय संक्रमित छन् ।

---

पछिल्लो २४ घन्टामा १२ जना कोभिड संक्रमितको मुत्यु भएको मन्त्रालयले जनाएको छ । योसँगै नेपालमा कोभिड संक्रमणबाट मृत्यु हुनेको संख्या एक हजार ६ सय ६३ जना पुगेको छ ।

मन्त्रालयका अनुसार बिहीबार एक हजार ६४ जना संक्रमणमुक्त भएका छन् । योसँगै दुई लाख ३१ हजार ६ सय १ जना संक्रमणमुक्त भएका छन् । हाल ५ सय १५ जना क्‍वारेन्टाइनमा रहेको मन्त्रालयले जनाएको छ ।