भारतीय पक्षलाई दार्चुला प्रशासनको प्रश्‍न : अनुमित नलिई हेलिकप्टर किन उडाएको ?

काठमाडौँ – दार्चुलाको आकाश हुँदै दैनिक ३-४ पटकसम्म भारतीय हेलिकप्टरले उडान भरेको विषयमा जिल्ला प्रशासन कार्यालयले भारतीय पक्षलाई पत्र लेखेको छ । दार्चुलाका प्रमुख जिल्ला अधिकारी सिद्धराज जोशीले दैनिक रुपमा हेलिकप्टर उड्न थालेपछि भारतीय पक्षलाई र गृहमन्त्राय दुवैलाई पत्र लेखेको जानकारी दिए ।  

‘बुधबार ३÷४ र बिहीबार पनि ३÷४ पटक हेलिकप्टर उड्यो,’ जोशीले इकागजसँग भने, ‘हेलिकप्टर निरन्तर उड्न थालेपछि हामीले गृहमन्त्रालयलाई जानकारी गराए पत्र लेखेका छौँ भने भारतीय पक्षलाई हेलिकप्टर किन उडाएको भनेर पत्र लेखेका छौँ ।’ 

---

बिहीबार पत्र लेखेपछि शुक्रबार दिउँसो १ः४५ बजेसम्म हेलिकप्टर नउडेको उनको भनाइ छ । बिहीबार दार्चुलाको जिल्ला सुरक्षा समितिको बैठकपछि भारत पिथौरागढस्थित जिल्ला अधिकारीलाई पत्र पठाएको जोशीले जानकारी दिए । जिल्ला प्रशासन कार्यालयले पठाएको पत्र भारतीय पक्षले अहिलेसम्म पठाएको छैन । 

‘अर्काको देशको आकाशमा त्यो पनि अनुमति नलिई हेलिकप्टर किन उडाइयो ? यस्तो कार्य आपत्तिजनक छ । यसरी अनुमतिबेगर हेलिकप्टर उडान नगर्नू र तुरुन्तै रोक्नू भनेर हामीले पत्र पठायौँ’ उनले भने ।