नाम्खामा सीमा मिचिएकोबारे अध्ययन गर्ने समितिको संयोजक आचार्य

काठमाडौँ - नाम्खा गाउँपालिका वडा नम्बर ५ र ६ मा पर्ने ‘नेपाल–चीन सीमा विवाद’ अध्ययन गर्न बनेको समिति संयोजकमा गृहमन्त्रालयले सहसचिवा जयनारायण आचार्यलाई तोकेको छ । उनी सप्तरीका प्रमुख जिल्ला अधिकारी थिए । उनलाई त्यहाँबाट सरुवा गरेर संयोजक बनाइएको हो ।

बुधबार बसेको मन्त्रिपरिषद् बैठकले हुम्लाको नाम्खा गाउँपालिका वडा नम्बर ५ र ६ मा पर्ने ’नेपाल-चीन सीमा विवाद’ अध्ययन गर्न गृह मन्त्रालयका सहसचिवको संयोजकत्वमा प्रहरी, सशस्त्र प्रहरी र नापी विभागका अधिकारी सम्मिलित समिति गठन गर्ने निर्णय गरेको थियो । 

---

आचार्यको स्थानमा सहसचिव जनार्दन गौतमलाई पठाइएको छ । गौतम दार्चुलामा १५ साउनमा महाकाली तर्दा तुइन चुडिएर बेपत्ता भएका ३३ वर्षीय जयसिंह धामीको घटनाबारे गृहमन्त्रीले गठन गरेको छानबिन समितिका संयोजक थिए । उनले त्यो घटनाको प्रतिवेदन बुझाएपछि सप्तरीको प्रमुख जिल्ला अधिकारीको जिम्मेवारी दिइएको हो । 

मन्त्रालयले समितिमा रहने सदस्यहरुको नाम पठाउन प्रहरी, सशस्त्र र नापी विभागलाई पत्राचार गरेको जनाएको छ ।